Te ez kalkirim - Aram Tîgran
Te kalkirim bi ciwanî
Lê ez xort, bûm tu baş zanî
Pelê dara min te weşand
Buher çû, te payîz anî
Hêviya min nema di jînê de
Bê kes mame vê dinê de
Gula dilê min çilmisî
Qe şîn naba ji îro pêde
Ka tu biner li halê min
Te çi aniye li serê min
Birînê zor daye ser min
Mirin gelek nêzîk bû li min
Birîn kûre cebar nabe
Bi dermanan rehet nabe
Heyfa min tê li wê heyfê
Ku li mirinê çare nabe
Gotin: Ebdulmesîh Efrînî
Muzîk: Aram Tîgran